Könül qapımı döyən, Özünü şövqlə öyən, Mənə sevdadan deyən Səs tərəfə qaçıram, Dərdə qapı açıram. Qapımda duran uca, Cəftəmi vuran uca, Halımı soran uca, Bu sədaya acıram, Dərdə qapı açıram.
Nə sızlayıb ağlaşırıq, Ah-ələmlə bağlaşırıq, Dillə neçə dağ aşırıq- könlə hicran yağa-yağa, Durun gedək Qarabağa! Inlər, sızlar hər sözümüz, Göz yaşına yar gözümüz, Açılmayır heç üzümüz, Bəsdir dözdük daha dağa, Durun gedək Qarabağa! Möhür, imza torpaq almaz, Qorumasaq Vətən olmaz, Heç bir zülüm sona qalmaz, Qonub yağı çox oylağa, Durun gedək Qarabağa! […]
Sözü min yol ölç-biç dildən çıxmamış, Böhtansa, ud onu, evlər yıxmamış. Dişinin altında cilala min yol, Hələ ki, ağzından söz buraxmamış. 08.12.2018 Sayı artmadadı ev yıxanların, İblisi könlünə buraxanların. Etdiyi özünə qayıdar gec-tez, Əzrayıl donunda can yaxanların… 08.12.2018
