Könül qapımı döyən, Özünü şövqlə öyən, Mənə sevdadan deyən Səs tərəfə qaçıram, Dərdə qapı açıram. Qapımda duran uca, Cəftəmi vuran uca, Halımı soran uca, Bu sədaya acıram, Dərdə qapı açıram.
Əziz Həmvətənlər, Həmrəylik günümüz və Yeni ilimiz mübarək olsun! YENİ İL DUASI Ey canın işığı, ey Yaradanım, Vaxtın təkərini fırladır anım. Saniyələr ömrü çəkib aparır, İçimə min ağrı töküb aparır. Sənə ünvanlanıb dildə sözümüz, Sənin şimşəyini alır közümüz. Yenə köhnə ili yola salırıq, Yenə intizara möhtac qalırıq. Nə olar sındırma ümidimizi, İşğal sınağıyla […]
Ürək gedən yerə ağıl getməyir. Özünü ürəyə təslim etməyir. Daim çarpışmada bir-biri ilə, Bir ömür davadı, savaş bitməyir… 30.12.2018
İynə ucu boyda ümid bəs edir, İnsan arzusunun dalınca gedir… Ümid qırıqlığı gücü tükədir, İstəyi zirvədən yerə endirir… 29.12.2018
Kül altından qor baxar, Göz yorular tor baxar. Öz dilinə yad olan, Öz kökünə xor baxar…
