Könül qapımı döyən, Özünü şövqlə öyən, Mənə sevdadan deyən Səs tərəfə qaçıram, Dərdə qapı açıram. Qapımda duran uca, Cəftəmi vuran uca, Halımı soran uca, Bu sədaya acıram, Dərdə qapı açıram.
Şirvanşahlar Sarayı, Keçmişinin bal ayı, Bügününün sükutu, Bir tarixdir hər qatı, Ruhların məzar evi, Zamanın yazar evi. Sirr dolu divanxana, Səsi düşüb hər yana. Şah babamın məscidi Azanına tac idi. Şövqlü saray hamamı, İçində şahın kamı. Cəlb eləyən ovdanı, Su udardı qadanı. Bakuvinin türbəsi, Xaliqinə gur səsi. Keyqubadın məscidi, Allahına yol dedi… İşğallardan sağ çıxan, […]
Canın içindədir ruhun çırağı, Onu dərk etmədən aslı sorağı… 27.03.2017
Heç də asan deyil insan həyatı, Yorğundu yollarda hər ömrün atı… *** İradə çökdürür qorxu-hürkünü, Doğulan çəkməli ömür yükünü. 17.03.2017
Biz bir-birimizə verdikcə qəmi, Xoşbəxt eləyirik hər gün ələmi… 16.03.2016
