Mar
27
Şirvanşahlar Sarayı,
Keçmişinin bal ayı,
Bügününün sükutu,
Bir tarixdir hər qatı,
Ruhların məzar evi,
Zamanın yazar evi.
Sirr dolu divanxana,
Səsi düşüb hər yana.
Şah babamın məscidi
Azanına tac idi.
Şövqlü saray hamamı,
İçində şahın kamı.
Cəlb eləyən ovdanı,
Su udardı qadanı.
Bakuvinin türbəsi,
Xaliqinə gur səsi.
Keyqubadın məscidi,
Allahına yol dedi…
İşğallardan sağ çıxan,
Haqqa üzüağ çıxan,
Tariximin güşəsi,
Dərinlərə işləyib
əsrlərdi rişəsi.
Dünəninin nağlı,
Ram eləyir ağılı.
Gəldim ziyarətinə,
Düşdüm haqq zinətinə.
Ruhların pıçıltısı
qulağımdan getməyir.
Zamanın zehinində
Nə olubsa ötməyir.
Yaddaşından köçürtdü
Yaddaşıma harayı,
Şirvanşahlar Sarayı,
Şirvanşahlar Sarayı.
27.03.2017
Şirin xanım Kərimbəyli Şadiman