BAŞIN ATIB YATAN GECƏ

BAŞIN ATIB YATAN GECƏ

Başın atıb yatan gecə,
Hicranı hər an arayır.
Məni oda atan gecə,
Bu yolla ad-san arayır.

Duyğuları alıb qaçır,
Könlü dərdə salıb qaçır,
Ürəyimi çalıb qaçır,
Dava edir, qan arayır.

Sükutuna salıb təni,
Töküb qəlbə yenə çəni,
Sanki sanıb ölü məni,
Bədənimdə can arayır.

Gecə haqqın ətəyində,
Zaman vaxtın yedəyində,
Şadiman söz pətəyində,
Balı yığan şan arayır.
15.08.2008