Apr
26
MƏHƏBBƏT İMİŞ
Hissə pərvanədir, duyğuya dayə,
Öylə başa düşdüm ibadət imiş.
Elə köklənmişdi pak haqqı-sayə,
Sandım ki, gəlişi səadət imiş.
Adı gah sevgidir, gah da ki, sevda,
Qoparır könlümdə hər an min nida,
Ondan axır qəlbə qəm adlı qida,
Qəfil doğuluşu nə niyyət imiş?
Arzu da imkana sığışıb gedər,
Seli qabaqlayar dağ aşıb gedər,
Hamı gəldiyitək yığışıb gedər…
Ürəkdən getməyən məhəbbət imiş…
12.12.2009