CÖVLAN ELƏYİR

CÖVLAN ELƏYİR

Yenə könlüm quşu cövlan eləyir yarə tərəf,
Görməyən tək yarini tez tutur üz zarə tərəf.

Məni cəzb eyləməyib özgə gülün rayihəsi,
Getmişəm öz gülümü tapmağa gülzarə tərəf.

Tanıyırlar məni, sadiqliyimə yoxdur şəkk,
Nəzərim yarə baxıb, baxmayıb əğyarə tərəf.

Eşqi təsdiq elədim mən də o Leyla sayağı,
Bir adam sövq edə bilməz məni inkarə tərəf.

Şadimanəm, nəzərim daima me`marı görür,
Şirinəm, baxmadayam daima me`mara tərəf.
28.08.2001