Qalx ayağa əziz Güney,
Eşqi dərya, dəniz Güney,
Xilas etməz yurdu giley,
Yaradandan gəlib fərman,
Vətən özü qəlbə iman.
Qalx ayağa, Babək oğlu,
Bəsdir qaldı yollar bağlı,
İşə salın beyni, ağlı,
Bəlkə də bu son imtahan!…
Vətən özü qəlbə iman.
Düşmən çoxdan ev içində,
Nərən olsun div, içində,
Şərə nifrət sev içində,
Çatıb fürsət, yetişib an,
Vətən özü qəlbə iman.
Sətar xanı salın yada,
Silah verin ər övlada,
Cəsur sevir bu dünya da,
Güney-Quzey təndə tək can,
Vətən özü qəlbə iman.
Təbriz, Zəncan, Xoy Urmiya,
Haray salın, çəkin qıyya,
Düşsün qatil qoy ah-vaya,
İstiqlaldır yurda loğman,
Vətən özü qəlbə iman.
Həm Ərdəbil, həm Miyanə,
Qidası var ruha, canə,
Salın düşsün səs cahanə,
Vermin əldən getsin zaman,
Vətən özü qəlbə iman.
Vulkan qopsun ürəynizdə,
Qorxu qapsın ürəyiniz də,
Haqqı tapsın ürəyniz də,
Yardım etməz heç ah-aman,
Vətən özü qəlbə iman.
Səcdə yeri Vətən özü,
Ürəklərə qalar közü,
Düşməninin bozdu üzü,
Qur elinə sən də səhman,
Vətən özü qəlbə iman.
Dua edin istiqlala,
Qoy yetişsin yurd vüsala,
Azad vətən-uçmaz qala!
Ayırdılar bizi yaman…
Vətən özü qəlbə iman.
Edin səcdə siz Vətənə,
İgid qoyar iz Vətənə,
Olsun sinə köz Vətənə,
Çəkilməli yurdan duman,
Vətən özü qəlbə iman.
Bəzz qalası haray salır,
Üstün hər gün bulud alır,
Biz gedəri, VƏTƏN qalır…
Qonub yurda şər Əhriman,
Vətən özü qəlbə iman.
Bəsdir daha əzilmisən,
Ürək deyir əzimlisən,
Yetər, Güney, dözümlüsən,
Dərd yığılıb olub umman,
Vətən özü qəlbə iman.
Dil uzadır yurda yetən,
Könlümüzdə eşqlə bitən,
Yuvamızdı ulu VƏTƏN,
Qoçaqlara qalır güman,
Vətən özü qəlbə iman.
Şadimanın eşqlə coşar,
Pak sevginlə daim yaşar,
Yurda qalib güc yaraşar,
Qalx ol bütöv, AZƏRBAYCAN,
Vətən özü qəlbə iman.
20.06.2025 Qusar
YETİŞİB ZAMAN
Yetişib zaman,
Verməyək aman,
Bağlı qapılar…
Açan tapılar.
Tərpəniş elə,
Dirəniş elə,
Şər ilə əlləş,
Bəsdir, bütövləş…
Fürsətə tapın,
Açılar qapın…
Araz harayda,
Səda var çayda!
Sədaya səs ver,
Yeni nəfəs ver.
Birləşək daha,
Son qoyaq aha!
Vətən özümüz,
Görən gözümüz.
Oğullar coşsun,
Qaynayıb daşsın.
Şərlə savaşsın!
Sənin xilasın
Birliyindədir!
Düşmənə sitəm,
Ərliyindədir.
Vermə boşa an,
Can, AZƏRBAYCAN!!!
18.06.2025 Qusar