HƏYAT MƏSUM BİR KÖRPƏ
Həyat məsum bir körpə,
Biz onu öpə-öpə
bəsləyirik ömürlə,
Bağlanırıq əmirlə.
Səsi-sədası bizdən.
Ağrı-acısı dizdən.
Gecələr canla yatar,
Səhər aləmi qatar.
Arzu-istəyi bitməz,
Çoxuna əli yetməz.
Hər şeydən bir az dadar,
Gah sevinc, gah qəm udar.
Duyğularla öcəşər,
Bütün günü əlləşər.
Hərdən düşüb yorular,
İşdən bağrı yarılar.
Çəkilər bir guşəyə,
Üz verər əndişəyə.
Candan doğar həvəsi,
Bu həyat fəlsəfəsi.
21.01.2013