شیرینخانیم آغابالا قیزی کریمبیلی (ادبی تخللوجو شادیمان)
2 سئنتیابر 1955-جی ایلده سیزن (کئچمیش دوچی، ایندیکی شابران) بؤلگهسینین تاغای کندینده آنادان اولوب. دوغولدوغو کندده سککیزیللیک مکتبی، سونرا سیزن شهر 2ن-لی اورتا مکتبی بیتیریب. 1973/75-جی ایللرده یئنیکند اوزومچولوک سووخوزوندا فهله ایشلهییب.1975\77-جی ایللرده وولودارسکی آدینا تیکیش فابریکینده تیکیشچی ایشلهییب. 1977-جی ایلده آدو-نون (ایندیکی بدو) هازیرلیق شعبهسینده دینلییجی، 1978\83-جو ایللرده کیتابخاناچیلیق (ایندیکی اینفورماتیکا) فاکولتهسینین ایانی شعبهسینی بیتیریب. 1992-جی ایلده آذربایجان ژورنالیست سنتکارلیغی اینستیتوتونون مزونو اولوب. 1984-جو ایلده دوچی رایونونون (ایندیکی شابران) حال-حاضردا سیزن رایونون اینبیزاتی اراضیسی ساییلان گیلگیلچای قصبهسینده کیتابخانا مودیری وظیفهسینده چالیشیب. 1985\2007-جی ایللرده آدنش-نین مدنگئوفیزیکا ایدارهسینین “نئفت داشلاری” گئوفیزیکا ائکسپئدیسیاسیندا جیزگیچی، تئکنیک، موهندیس پئشهسینده چالیشیب. 2007-جی ایلدن همین ایدارهدن امک تقودونه چیخیب. امک فعالیتی ایله برابر بدیی یارادیجیلیغینی داوام ائتدیریب. دؤورو مطبوعاتین متبو اورقانلاری اولان “نئفت داشلاری”، ”عدالت”، “چنلیبئل”، “آذربایجان معلمی”، “بوتؤو آذربایجان”، “کرئدو” ، “موترجیم”، ”مهستی” و سایر قزئت-ژورنالیندا چاپ اولونوب. “مجموش-شورا” (“شاعرلر مجلیسی”)، “فضولی” ادبی مجلیسلرینین عضوو اولوب.تئلئویزیادا و رادیودا بیر چوخ وئرلیشلرین ایشتیراکچیسی اولوب. حاضردا ادبی فعالیتله مشغولدور.
***
شاعرین، داها دوغروسو سنتکارین، بدیی اوبرازلارلا دوشونن مؤلفین یارادیجیلیغی اوچون بیرینجی نؤوبهده اونون منوی عالمینی
تعمین ائدن هاوا لازیمدیر. بو هاوا ندیر؟ بو هاوا زننیمیزجه، بیرینجی نؤوبهده موحیطدیر. ان موختلیف طرفلردن گتیردیگی سئوینجلرله،بخش ائتدیگی کدرلرله، فرح آنلاری و ازابلارییلا شاعرین منوی دونیاسیندا تلاتوملر یاراتماسیدیر. اگر موحیط شاعرین منوی عالمینده بو تلاتوملری یاراتمیرسا، عکسینه، بیر سوستلوک گتیریرسه، بیر سؤزله موحیط شاعر اوچون لاقئیددیرسه، شاعرین ده یارادیجیلیق عالمینده اطرافا بیر بیگانهلیک یاراناجاقدیر. بو، ائله بیر پسیخولوژی پروسئسدیر کی، اینسانی منوی اؤلومه سوروکلییر.
اینسانین منوی اؤلومه سوروکلنمهسی البته، بؤیوک فاجعهدیر. بو اینسان شاعردیرسه، سنتکاردیرسا، بو، جمعیت اوچون داها آغیر فاجعهدیر، ایکیقات فاجعهدیر.
سوستلوگون سنتکاری منوی اؤلومه سوروکلمهسی، هم ده جموییتین اؤزونون بلاسیدیر. جمعیت اؤزو یاراتدیغی بلانین آغریسینی اؤزو چکمهلی اولور. بئله حاللار ان موختلیف سببلردن، او جملهدن جمعیتدکی سیاسی پروسئسلردن ده آسلیدیر. بیر سؤزله هاواسیزلیق شاعر اوچون بؤیوک بلادیر. اما داها گوجلو، داها ایرادهلی سنتکارلار وار کی، بزن بوتؤو آخینا قارشی دورا بیلیر. حتی اؤز فاجعهلری ایله جمعیتی قیجیقلاندیریر، جمعیتین دقتینی اؤزونه چکیر، جمعیته آنلادا بیلیر کی، منوی موحیطدکی هاواسیزلیق اونون اؤزونو کؤکلو بیر آغاج کیمی قورودا بیلر.
اونا گؤره ده شاعر هم ده جمعیتین منوی موحیطی اوچون هاوا تمیناتچیسیدیر. نه قدر اؤزو بو هاوادان آسیلی اولسا دا...
شیرین خانیم کریمبیلی شادیمان دا منوی موهوتدکی هاواسیزلیقدان عذاب چکن، کیفایت قدر زنگین یارادیجیلیق یولو کئچمیش و بو گون ده ایستر بدیی، ایستر ادبی-پوبلیسیستیک قئیدلرینده کیفایت قدر دؤیوشکن روحونو قورویوب-ساخلامیش ایستعدادلی مؤلفدیر. سؤز بو گون ده اونون اوچون موباریزه میدانیدیر. شیرین خانیم شادیمان یارادیجیلیگیندا بیر اساس ختت وار. بو ختتین بیر نئچه کلمه ایله ایفادهسی بوندان عبارتدیر: جمعیتین گلجیی صاف اورکلردن سوزولن سؤزدن کئچیر.
علی رضا خلفلی “آدی شادیمان اولانین...” کیتابیندان (2009)
|