/ ایراق خالقی‌نین باشینا بومبا تؤکمک اوچون
آبش پرئزدئنتی جورج بوش سددام هوسئیینه
48 ساعت واخت وئریب…/
جناب بوش، دونیایا مصلحت یئتر،
بیر گون تؤکدوگون قان سیننده بیتر،
سن ائی ایراق خالقین آها باتیران،
دول‌لارلا دونیانین حاقین یاتیران.
کؤنلونده اللهین رحمی یوخ ایمیش،
گؤزونده اینسان‌لیق فهمی یوخ ایمیش.
شئیتانین، ایبلی‌سین روحودو روحون،
گل ارشه قالدیرما جاهانین آهین.
اوردا کؤرپه‌لرین خوش نفه‌سی وار،
اوردا آنا‌لارین فقان سسی وار!
بس‌دیر بو دونیایا عقل وئردیگین،
تاریخه چوخ قان‌لی ناغیل وئردیگین!…
خالق‌لاری مین یئره پارچالادیغین،
فیکیری دوشونجنی هاچالادیغین.
اللهی، ایسلامی شرلمک یئتر،
آرتیق بو فیتوا‌لار، قیرغین‌لار بیتر.
تک سددام دئییل کی، ایراقدا بشر،
ایچینده فیتوا‌لار هاردان یئرلشر؟
نئیله‌ییبدی سنه ایسلام آدامی؟
بس‌دیر، اورک‌لرده آغلاتدین کامی.
دونیادا قادا‌سیز اؤتوشمییرسن،
نیه بیر یول حاقا یئتیشمییرسن؟
آتان دا قیرغین‌دان آلیردی ووس’ت!
قان تؤکمک اونا دا اولموشدو صنعت!
سن فیتوا ائتدیکجه تئررور دا آرتیر،
دین‌لر بیر-بیرینی اؤلومه آتیر.
یارا‌دان دئییلسن جان آلدیراسان،
عالمی مهشره هئی سال‌دیراسان.
ایچینده ویج‌دانی آتدین قفه‌سه،
گیردین شیطان ایله یئنه ده بحثه،
باتیرما ایراقین هارایین بئله،
اوچورما اینسان‌لیق سارایین بئله.
قییما کؤنول آچان او گولزارلیغا،
چئویرمه بو یوردو سن مزارلیغا.
داغیتما ائولرده اودو، اوجاغی،
قان‌لاردا اوزمه‌سین آنا قوجاغی.
سنین اؤز اؤلکن وار، اؤز یورد، یووان وار،
شیطانا، ایبلیسه نئچه دووان وار؟
آمئرکا خالقینا بلا گتیرمه،
اونلارین اؤزونو آها یئتیرمه.
هر آتدیغین بومبا بیر تزه تئررور،
قان‌لاری چیخاردار بیل اوزه تئررور.
سنده هئچ آدمین هیاسی یوخ‌دور،
خمرینده بشرین مایاسی یوخ‌دور!
دونیانی چالخاتما قان دنیزینده،
ابه‌دی دئیی‌لیک بو یئر اوزونده!
بشر تاریخینه ساواشلا دوشمه،
هاردا ثروت گؤردون اورا ایلیشمه.
قان‌لی محاربه کؤنلونه قیدا،
سنه ائشقمی وئریر بو جنگ، بو جیدا؟
هامیمیز جاهاندا بشر اؤولادی،
قویما قالخسین ارشه اونون فریادی.
گؤیده بولودلاردان قان-یاش تؤکولور،
درددن بو دونیانین بئلی بوکولور.
بومبان کؤرپه‌لرین دوشر باشینا،
ایبلیس چئوریلمه‌سین جان سیرداشینا.
آنا‌لار گؤزونده تلاشا باخ بیر،
هامیمیز آدمیک قانی، جانیبیر.
نه کورده قارداشسان، نه تورکه قارداش،
ایبلیس‌دن یارانیب ایشلتدیگین باش.
سالما بو جاهانی عذابا، زورا،
گونشین ایستی‌سی بیشیرر قورا…
بس‌دیر، قپیک-قوروش ائتدین خالق‌لاری،
موردار دول‌لارینلا اؤتدون خالق‌لاری.
دونیانی قیرغینا چکمه، آماندی،
اللهین مهشری سوندا یاماندی!
سنین نه دینین وار، نه ده ایمانین،
یئل کسر کلیین گلن دومانین.
حاق-حساب چکیرسن اگر سدداملا،
هونرین چاتیرسا توت اونو داملا،
اونا دا هونرین چاتسا بیر زامان،
یاددان یاد اؤلکه‌یه یئتیشمز ایمان!…
اوردا قادین، اوشاق، قوجا، خسته وار…
هر تؤکولن قان‌لار سنه اولمور آر.
سن هؤکوم ائتدیکجه بئیین‌لر قیزیر،
بو آخان قان‌لاری چینینه یازیر.
اوجاغین چئویرمه گؤیه ایراغین،
هردن بیر اؤلکه‌دن گلیر سوراغین.
بس‌دیر پلان جیزیب یول گؤستردیگین،
خوشون گلمه‌ینه کول گؤستردیگین.
سنین سلاحین وار اونون جیهادی،
کؤنلونو اسدیریر او ایسلام آدی.
جناب بوش، بیر دوشون بونون صاباحین!
حاقی چکیله‌جک هر بیر گوناهین.
رحم ائیله آمئرکا خالقینا، ائی شاه!
دونیادا اؤزونو سانیرسان الله.
الله آیاغینا گلنده باشین،
دریانی بوغا‌جاق قان‌لی گؤز یاشین.
بشری قان‌لارا چکیرسن اؤزون،
ایبلیس فیتواسییلا یاغلانیب گؤزون.
ایچینده شئیتانین قاپی‌سین باغلا،
آغلا، صاباحی‌نین گونونه آغلا.
اوردا آخان قان‌لار منیم ده قانیم،
او خالقلا بیر یئرده دؤیونور جانیم.
ایراقین کؤکسونه دین بیر بیچاق،
منیم اورییمده آچا‌جاق اوجاق…
سن ائی بو دونیانی ختایا سالان،
نفه‌سین، هوه‌سین، ایستیین یالان.
گتیرمه اؤلومو، قانی باغدادا،
هر آتدیغین آددیم اؤلوم، قان-قادا.
ائی آغلی، کمالی، دوشونجه‌سی دار،
سن‌دن آمئرکایا اولماز هؤکومدار!
تئررورلا سوچلادین بوتون بشری،
سنسن بو جاهاندا یارا‌دان شرعی.
عدالت‌سیزلیک‌دن دوغوبدو تئررور،
دونیانین نش’ه‌سین بوغوبدو تئررور.
گوج‌لویه چاتماسا گوج‌سوزون گوجو،
اولور اینتیقامچین تئررور اولگوجو!…
گوج‌لودن ده گوج‌لو اللهیمیز وار،
الله‌دان آسی‌لی صاباحیمیز وار.
اودور هر بیر ایشی یولونا قویان،
منممنم‌لییه، فیتنه‌یه اویان،
اونون قارشی‌سیندا دیز چؤکر بیر گون،
آچی‌لار دونیانین کؤکسون‌دن دوگون…
***
ائی موسلمان اهلی، حاقینی آنلا،
سنین کیم‌لیگینی یودولار قانلا!
دونن افقانیستان، بو گونسه ایراق،
دوشدون بیر-بیری‌نین قمین‌دن ایراق.
عرب، تورک، بالکان‌لار، چئچئن، آذری،
نیه کنارلاشیب حاقین نظری؟
ایسلام ائللرینه تؤکولن قان‌دان،
نیه قیلینج‌لانیر ایسلام هر یان‌دان؟
موسلمان توش گلیر قان‌لی ساواشا،
دونیانین اوریی دؤنوبمو داشا؟
هامیمیز جاهاندا بشر اؤولادی،
هامیمیزا بل‌لی آدمین آدی.
دین‌لرله بؤلن‌لر مملکت‌لری،
آرتیریر گونبگون فلاکت‌لری.
بوش بو گون ایراقی بوغازدان آسیر،
عرب اؤلکه‌لری دیلینی قیسیر.
تؤکور شر-آمئرکا قارداش قانینی،
عرب‌لر قورویور شیرین جانینی…
آرتیریر قیساسچین شدتی تئررور،
قئیرت‌لی قلب‌لرده هیددتی تئررور.
آمئرکا سوچلاییر بوتون دونیانی،
اؤزو تؤکه-تؤکه دونیادا قانی…
***
جناب بوش، نیگاران یوردونو دوشون،
قان تؤکمه‌یه گئدن اوردونو دوشون.
اگر بئله چکسن جاهانین دردین،
چکیب قوتارمازسان بو قانین دردین.
اوتور اؤز-اؤزونه قاپان و دوشون،
سنین ده ازی‌لر بیر گون فیل دیشین…
گتیرمه ایراغا اؤلمو، قادانی،
یاد ائت کایناتی و یارا‌دانی.
گؤزونو توتماسین وارین، ثروتین،
گؤزونه کول آتما سن حقیقتین.
تئرروردان قورتولماق ایسته‌ین، ائی کس،
ساواشین آیاغین بو دونیا‌دان کس!
آخماسین جاهانین گؤزون‌دن یاشی،
جناب بوش، اتک‌دن گل تؤک سن داشی.
هامیمیز یئر اهلی-کیتابیمیز وار،
اولو یارا‌دانا حسابیمیز وار.
دونیانی چئویرمه بیر اراسته،
سون قوی بیابیرچی بو سیاسته!
جناب بوش، اتک‌دن تؤکمه‌سن داشی،
یانار یئر اوزونون تورپاغی، داشی.
داشدیرما اللهین بؤیوک صبرینی،
دونیانین قازیما بئله قبرینی.
سولهون جارچی‌سی‌دیر عرب سلامی،
هامییا اؤیوددور او پاک کلامی.
اینجیل، تؤورات، زنبور، قوران عشقینه،
دونیانی یارا‌دان، قوران عشقینه،
آخیتما جاهانین گؤزون‌دن یاشی،
جناب بوش، اتک‌دن گل تؤک سن داشی…
18. 03. 2003
