İyn
11
Vətən, səni tikə-tikə, parça-parça yedilər,
Utanmadan, çəkinmədən sənə Vətən dedilər…
Çalxatdılar içindəki göz yaşını nəhirtək,
Boğazlarda kilidləndin hönkürməyən qəhərtək…
Araz boyda kədər oldun bağrımızda nə vaxtdı,
İçi ulusun qarışıq qara elədik baxtı.
İndi sənə barmağını silkələyir gədələr,
Səni udmaq diləyiylə eşqə düşüb mədələr.
Torpağının ortasında xain yuva saldılar,
Bu minvalla hissə-hissə hər neyin var aldılar.
Buludlardan axan yaşdan çoxdu gözün yaşları,
Məzar-məzar şəhid etdin igid vətəndaşları.
Xəritənə boylananda utanıram özümdən,
Tapdağlarda qalan yurdlar boylanırlar sözümdən.
Vətən, səni tikə-tikə, parça-parça yedilər,
Utanmadan, çəkinmədən sənə Vətən dedilər…
06.05.2017
Şirinxanım Kərimbəyli ŞADİMAN