Mar
27
Yenə şəhid sorağı döydü qapını bu gecə,
Qara xəbər tələsib oydu qapını bu gecə.
Ötüşür hər günümüz, işğala adət edirik,
Yağnın bəd əməli öydü qapını bu gecə.
Niyə bu ağrı-acı bitməyir illərlə, fələk?!
Düşmənim qan-yaş ilə qoydu qapını, bu gecə.
Pozulub növrağımız işğala düçar olalı,
Bağlayaq bəd xəbərə haydı, qapını bu gecə.
Vətənin hər qarışı varlığımızdan yuxarı,
Yandıran ahla dolu vaydı qapını bu gecə…
27.03.2019