Okt
17
Qafiyəyə dodaq büzən
Qafiyəni nə qanırsan?!
İçində ilhamın yoxdu,
Özünü şair sanırsan.
Kopyələyib qərb şeirini,
Sanma ki, nəsə yaratdın.
Düşünmə ötdün dərini
Söz belinə şələ çatdın.
Şeirin ahəngi olar,
Bulaqtək qaynayıb çıxar.
Hava təki könlə dolar,
Çay təki qıvrılıb axar.
Yazaram, deyən yekəbaş,
Ədəbiyyat nə qanırsan?!
Şeirdən eyləmə daşbaş,
Özünü zorba sanırsan?!
Sözün başından yekədi,
Nə ruhun var, nə kimliyin!
Adın millətə ləkədi,
Yadlara quldu mənliyin!
18.10.2017