باغلانتی‌لار

ائی روما پاپاسی، مقدس آتا،
سنده ایلاهی بیر عشق وار حیاتا.
او خسته گؤرکمین نئجه ده اوزگون،
اؤتوشور اؤمرونده ساعت‌لار گرگین.
آغری‌لی باشینلا آیاق اوسته‌سن،
بوتون ووجودونلا نئجه خسته‌سن.
فقط، دولاشیرسان بو گئن دونیانی،
سالمیرسان یاتاغا آغری‌لی جانی.
حالین یوخ دئمه‌یه بیر قوروجا سؤز،
او کؤنول اوجاغین کول ایچینده کؤز.
دینینه باغلیسان بوتون جانینلا،
بل‌لیسن جاهاندا او اونوانینلا.
خسته بده‌نینده آیاق‌لار توتمور،
تیتره‌ین اللرین قلمه یاتمیر.
اؤلکه‌دن اؤلکه‌یه قوناق گئدیرسن،
دونیانین اؤزونو هئیران ائدیرسن.
جانیندا جان وارکن باشچیسان هله،
قیته‌لر آدلارسان بئله‌دن-بئله،
ائی اؤز اینامییلا رببینه یاخین،
سیننده دیلک‌لر هئی آخین-آخین.
گئجه ده، گوندوز ده دیلین دعادا،
او واتیکان آدلی قدیم یووادا.
تانری سئوداسییلا آشیب-داشیرسان،
مقدس مریمه سیدقله جوشورسان.
منوی جسارت، او حیات عشقی،
دینینه سئودا‌لیق بو بوسات عشقی،
خسته ووجودونلا یاشاماق مشقی
فیزیکی ضعیف‌لیک اؤنونده شاهدی،
سنه گوج وئرن ده یقین اللهدی!
بزن ال-آیاق‌لی خسته آدام‌لار،
کیچیک آغری‌لارلا اؤزونو دام‌لار.
ایللرله یاتاغا دوشوب قالخمازلار،
اؤلرلر... حیاتا عشقله باخمازلار.
کؤکسونده نه بؤیوک دیانت گزیر؟
بوتون آغری‌لاری عذابلا ازیر.
گؤرکمین روح وئریر هر دویان قلبه،
جوشور میصراع‌لاریم سیغیشمیر قلبه.
ائی روما پاپاسی، مقدس آتا،
قویما ایبلیس حاقی اودلارا آتا...
دونن قوناق گلدین آذربایجانا،
گلیشین بیر سدا سالدی هر یانا.
باکیدا او هاوا لیمانی گرگین،
سنی قارشیلایان زامانی گرگین.
بو گون بیر معتبر سارای ایچینده،
لاپ تیتره‌ین دیلین هارای ایچینده.
او اوجا کورسودن چیخیش ائدیرسن،
اوزاق اسیرلره جوشوب گئدیرسن.
آلبانیا تاریخین چؤزلییرسن،
کؤهنه یارامیزی تزه‌لییرسن،
دئییرسن بورادا آلبانیا واردی،
او واخت خاچ اینامی بو یوردا یاردی.
قدیم دؤوورلری سوراق‌لار تاریخ،
آلبان الیفباسین واراق‌لار تاریخ.
او داش کلیسا‌لار دوننیمیزدی،
میلادین ایلکینه ائننیمیزدی.
مرد چار جاوانشیرین هارایی اوردا،
قدیم آلبانیانین سارایی اوردا.
سونرا ایسلام اولوب خالقین صاباحی،
قوراندا آراییب بو یورد اللهی.
ائی روما پاپاسی، مقدس آتا،
دئمک باش وورورسان ان درین قاتا.
سن بیزیم کئچمیشی یاخشی بیلیرسن،
تاریخین چاش گؤرن گؤزون دلیرسن.
توش اولدو بو تورپاق شر گردیشینه،
وحشی ائرمنی‌لر ووردو دیشینه: -
بیزیم محمده /س/ اینامیمیزی!
اؤزونونکی ائتدی هر دامیمیزی...
آتدی فلاکته هئی هامیمیزی!
سؤن‌دوردو تاریخده یورد شامیمیزی.
قانبیر قارداشیمیز، افسوس او زامان،
عیسییا اینامی قورودو یامان.
دینبیر ائرمنییه چئویردی اوزون،
ائرمنی ائیله‌دی سونرا‌لار اؤزون.
ایتیردی کیملیگین دوغما دیلینی،
ساتقین دینداشی‌نین توتدو علینی...
ائرمنی قافقازدا آرتیردی سایین،
سونرا بو میللتین هئی قوردو وایین.
اوددو کیلسه‌لری خاچ مزارلاری،
اوددوقجا آرتیردی آهی-زارلاری.
اصلینده ائرمنی قافقازا گلمه،
بونا تاریخ اؤزو ووروبدو ایلمه!
آرتدی، آذربایجان دئدی منیمدی،
سیز یوردسوز، بو اؤلکه اؤز وطنیمدی.
هاردا خاچ گؤردوسه اوردان یاپیشدی،
بیز سوسدوق، او ایسه حدینی آشدی.
قانبیر ائرمنی‌دن اولمایان‌لاری،
ائرمنی آدییلا قالمایان‌لاری،
افسوس کی، ائرمنی اویونجاق ائدیب،
اؤز تاریخ یولوندا شر اوجاق ائدیب.
اصلینه کؤکونه خور باخمیش‌لاری، -
توتا‌جاق فلیین قانقارغیش‌لاری!
او خرابه سئون شر بایقوش‌لاری...
ائی روما پاپاسی، مقدس آتا،
اگر نظر سالسان منویاتا،
آلبان عابده‌لی خاچ مبدلری،
آختار کیم‌لیگینی، آچ مبدلری.
آچا بیلرسنمی؟ اسیردی اونلار،
تؤکولوب ایچینه، چؤلونه قان‌لار.
قربی آذربایجان، گؤزل قاراباغ،
یوردلار اوغورلانمیش، سینه‌لر داغ-داغ!
بیزه آر گلدی کی، کئچمیشه واراق،
دوشمه‌نین حیله‌گر کؤکسونو یاراق.
وئردیک ائرمنییه تاریخیمیزی،
اونونچین ایلاهی یاندیریر بیزی!
ایتدی آلبانیانین الیفباسی دا،
وطنی بورودو شر لیباسی دا!
آرتدی ائرمنی‌نین بوش خولیاسی دا،
قورولدو اؤلکه‌نین اوندا یاسی دا.
هر داش یازی‌سینی قوروسایدیق بیز،
فریادا باتمازدی ایندی قلبیمیز.
ایسلامی علمله دویسایدیق اگر،
کیلسه ائرمه‌نین اولاردی مگر؟
اللهی مؤوهومات اودوندا یاخدیق.
آه، اؤز-اؤزوموزه دوشمنتک باخدیق.
چالیشدیق قاچماغا کئچمیشیمیزدن،
تانری دا اوساندی بو ایشیمیزدن.
ایندی خاچ قارداشین بیزه خاین‌دیر،
تاریخده هر قاریش ایزه خاین‌دیر.
هئی دؤنوک اولدوقجا تورپاغیمیزا،
واللاه، لکه دوشدو پاپاغیمیزا!
قیساس آلمالییکن آزغین یاغی‌دان،
قورتولا بیلمدیک قم‌دن، آغی‌دان.
اینامیم ایسلامسا، وطنیم بو یورد،
قورویا بیلمسک باسا‌جاق‌دیر قورد!
یوردومون اینسانی، دوشون بیرجه آن،
آخی، سنینکی‌دیر بو آذربایجان!
قویمایاق بو گؤزل مملکت باتا،
وطن - مؤهور، ایمضا گؤزل حیاتا.
ساخلایا بیلمسک آتا‌جاق بیزی،
مین ایللیک اؤلویه قاتا‌جاق بیزی!...
ائی روما پاپاسی، مقدس آتا،
قویما او ائرمنی کؤکسونده یاتا.
چکدین حقیقتین قیلینجین قینا،
قول قویدون ائرمنی سویقیریمینا.
تورکه وحشی تکی باخیرسان ندن؟
او خاچ قارداشیندی وحشی‌لیک ائدن.
باخ اودور داغی‌دان جلالیمیزی،
آرتیران آنبان ملالیمیزی.
تانری بیرلیگینه اینامین وارسا،
ایلاهی سئوداسی کؤنلونه یارسا،
ایسلاما کج باخما الله عشقینه،
دونیانی نور ائدن صاباح عشقینه.
آزغین قسبکارلا قورما اتفاق،
جاهانی داغیدار هر بؤیله نیفاق!...
منده بیر سئوگی وار بوتون دین‌لره،
رببی یاد ائله‌ین او آیین‌لره.
اللهین کلامی عشقله اؤیولور،
قوراندا آیه‌ده بئله دئییلیر: -
موختلیف دین‌لری یاراتدیم کی، من،
بشرین کؤنلونه عشق قاتدیم کی، من،
اونلار بیر-بیریله گیرسین یاریشا،
خئییرخاه عمل‌لر هئی آشیب-داشا.
دوشمن اولماسین‌لار بیری-بیرینه،
سجده ائیله‌سین‌لر حاقین سیررینه.
شاه تکی باخماسین دین-دینه هئچ واخت،
یارا‌دان اوجادا، یارادانین تاخت!
ائی روما پاپاسی، مقدس آتا،
قویما کی، اینامین ایبلی‌سی توتا،
بشر وارلیغییچین سؤیلیک، آمین!
دونیانی گولوستان ائیلیک، آمین!

23-24.05.2002.